Arquitecturas de autor

Arquitectura contemporánea: edificios de autor e urbanismo de deseño A singularidade e o encanto de Santiago foron medrando ao longo do tempo coa combinación e superposición de estilos de diferentes épocas, que a praza do Obradoiro sintetiza tan ben. As novas accións da época contemporánea enriquecen aínda máis esa imaxe acumulativa que define á cidade. Os arquitectos da actualidade, algúns de fama internacional, transforman o espazo urbano tal como no pasado o fixeron os canteiros que chegaban de lonxe.

O patrimonio que Santiago de Compostela ofrece incrementouse nas dúas últimas décadas cun sobresaliente conxunto de obras de arquitectura contemporánea e de actuacións urbanísticas de deseño, algunhas das cales se realizaron na zona monumental, nun diálogo co patrimonio histórico que foi merecedor do aplauso internacional.

A importancia de Santiago ao longo da historia converteu a cidade no centro efectivo e simbólico de Galicia, estímulo ao que as institucións públicas responderon con edificacións e deseños urbanos de calidade que nos últimos quince anos se realizaron na cidade, asinados por algúns dos máis importantes nomes da arquitectura contemporánea mundial: Álvaro Siza, Manuel Gallego Jorreto, Giorgio Grassi, John Hejduk, Josef Paul Kleihues, Alberto Noguerol, Andrés Perea, Arata Isozaki, Peter Eisenman, César Portela, Víctor López Cotelo, Albert Viaplana, Helio Piñón, etc.

Algunhas das máis relevantes obras contemporáneas pódense coñecer nun percorrido que discorre polos parques perimetrais dá cidade histórica, descubrindo á vez sorprendentes perspectivas da zona monumental.