Extranet de santiagoturismo.com

Información e Comunicación Local, S.A. (Turismo de Santiago de Compostela) informa de que a ferramenta informática que pon á súa disposición para a difusión das súas visitas guiadas, excursións radiais e outra oferta complementaria, non ten custo algún para vostede. Igualmente, infórmaselle de que o usuario e contrasinal fornecido para acceder á aplicación informática é persoal e intransferible, sendo da súa responsabilidade a custodia, así como a obriga de non comunicalo a terceiros alleos ao establecemento. O uso desta aplicación é voluntario e non supón a creación de ningunha relación mercantil nin de asociación ou vinculación entre Información e Comunicación local, S.A (Turismo de Santiago de Compostela) e o usuario.

O usuario da ferramenta será o único responsable diante do visitante ou posible cliente final da veracidade da información introducida, así como das consecuencias do servizo prestado, debendo garantir os dereitos que a lexislación contempla para os consumidores e usuarios. A este respecto, informase de que Información e Comunicación Local, S.A (Turismo de Santiago de Compostela) non actúa como mediador nin presta servizos de reservas ou axencia de viaxes, polo que toda a responsabilidade sobre o uso da ferramenta diante dos usuarios finais é do titular do establecemento ou provedor do produto anunciado.

Condicións específicas

Os anunciantes ou provedores, como usuarios autorizados desta ferramenta informática, están obrigados a non introducir datos de carácter persoal na aplicación. Igualmente, comprométense a introducir na mesma datos veraces sobre actividades relacionadas con visitas guiadas, excursións e outra oferta turística complementaria, estando obrigados a manter actualizados estes datos con carácter permanente.

1. Todas as actividades que se anuncien terán lugar no municipio de Santiago de Compostela.
   No caso das excursións radiais, deberán ter en Santiago de Compostela o seu punto de partida e chegada final.
2. Todas as actividades que se anuncien deberán ter garantida a súa saída ou celebración, sen estar condicionadas baixo ningún concepto a un número mínimo de participantes.
3. Pola especificidade da ferramenta, non se poderán anunciar actividades que teñan carácter privado. Todas elas deberán ofertarse praza a praza, dirixidas ao público xeral e con horario concreto e punto de saída ou encontro.
4. Por último, o usuario desta ferramenta está obrigado a cumprir en todo momento coa legalidade vixente no exercicio da súa actividade, nomeadamente aquelas autorizacións administrativas que sexan preceptivas para o desenvolvemento de actividade turística correspondente.

A non observancia das condicións xerais e específicas facultará a Información e Comunicación Local, S.A. (Turismo de Santiago de Compostela) a dar de baixa ao usuario da ferramenta informática, así como os servizos e produtos anunciados na mesma.