As celebracións de Semana Santa e Pascua contan con numerosos doces e sobremesas tradicionais, e Santiago é una cidade larpeira que aínda goza das doces receitas ancestrais traídas hai séculos polas ordes relixiosas, así como dunha longa tradición chocolateira, vida de América e transferida a Europa grazas á contribución do Camiño.

Máis aló das roscas e ovos de Pascua, estas son algunhas das nosas propostas para saborear esta Semana Santa:

Concha de Santiago

A famosa vieira, que é símbolo de Compostela, convertida en escultura de chocolate é un tributo a unha cidade de tradición chocolateira. Poden atoparse en moitos establecemento, entre eles Chocolat Factory, na Praza do Toural.

Tarta de Santiago

O doce compostelán por excelencia, cuxa orixe remóntase cando menos ao s. XVI. Dispoñibles en todas as reposterías e panaderías: Las Colonias -a máis antiga da cidade-, Tábora, Herma… Á Casa Mora atribúeselle o mérito da incorporación da Cruz de Santiago como motivo decorativo.

Chocolate á taza

Antano era elaborado en múltiples obradoiros e mesmo en domicilios particulares aos que se desprazaban os mestres chocolateiros, o chocolate é toda unha tradición na cidade. Consúmese “á taza”, e pode degustarse, quentiño y acompañado de churros, nun morea de cafeterías.

Delicias monacais

Á repostería conventual débelle Compostela, sen dúbida, o apartado máis doce do seu receitario. Coas ordes relixiosas chegaron á cidade receitas de améndoas e xemas, tradicións foráneas que deron lugar a especialidades como á Tarta de Santiago, ou exquisitos amendoados.

Dous conventos de clausura ofrecen deliciosos doces de elaboración propia. Trátase do Mosteiro de Antealtares e do Convento de Belvís. No primeiro caso, as beneditinas elaboran amendoados, tortas de Santiago e pastas de té -dispoñibles todos os días en horario de torno- e tamén outras sobremesas, como o brazo de xitano -por encargo-. Pola súa parte, as dominicas de Belvís fan por encargo amendoados, mantecados e torta de Santiago, e venden ao momento pastas de té.

Tortas de queixo e chocolate

De chocolate, de queixo, de mousse de chocolate, de chocolate con queixo… o Airas destaca polas súas exquisitas tortas e tortiñas caseiras e exquisitas.

Variado de pecados

Sete botes de lambetadas, un por cada día da semana: luns, preguiza; venres, luxuria; sábado, gula… Unha divertida e orixinal forma de pecar nunha Cidade Santa como Santiago. Dispoñibles en Pecados de Compostela, no Cantón do Toural.

Xacobea

Aínda que ten parecidos ingredientes aos da rosca de Pascua, a Xacobea resulta menos seca, grazas á incorporación de xarope na característica cuadrícula. Podes atopala en moitas pastelerías, entre elas Suevia – La Estrella, que conta con varios despachos na cidade.

Rosquilla

Aínda que á rosquilla, coñecida en moitos lugares como melindre, é o produto reposteiro por excelencia nas romerías tradicionais galegas, é moi característica da Semana Santa e sobre todo da Pascua. Pódese atopar en multitude de establecementos.

Ordenar por

Filtrar por sección